Джорджо Кьеллини

Джорджо Кьеллини (итал. Giorgio Chiellini, 14 тамыз 1984 жыл^[1], Пиза) — италиялық футболшы, «Ювентус», клубы мен Италия құрамасының қорғаушысы. Құрама сапында көп матч өткізгендердің алғашқы ондығына кіреді.

Джорджо Кьеллини
Жалпы мағлұмат
Туған күні	14 тамыз 1984 (1984-08-14) (41 жас)
Туған жері	Пиза, Италия
Азаматтығы	Италия
Бойы	187
Салмағы	85
Позиция	қорғаушы
Клуб жайлы ақпарат
Клуб	Ювентус
Номері	3
Жастар клубы 1990—2000 Ливорно Клуб карьерасы[* 1] 2000—2004 Ливорно 55 (4) 2004—2005 Фиорентина 37 (3) 2005— Ювентус 386 (27) Ұлттық құрамы[* 2] 2000—2001 Италия-15 8 (0) 2000—2001 Италия-16 12 (1) 2001 Италия-17 1 (0) 2002 Италия-18 6 (1) 2001—2003 Италия-19 18 (1) 2003—2007 Италия-21 26 (6) 2004 Италия (олимп.) 2 (0) 2004—  Италия 101 (8)
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Клубтық карьерасы

"Ливорно" клубының түлегі. "Ливорно" клубында төрт маусымдай ойнады. 2004 жылы "Ювентуске" өтті де, "Ювентус" арқылы "Фиорентинаға" ауысып, бір жылдан соң қайта келді. Содан бері ұзақ жылдар бойы туриндік клубтың намысын қорғады. 2006 жылы "Ювентус" А сериясындағы жанжалдардың себебімен В сериясына түсіп кеткенде де команданы тастап кеткен жоқ. Осы уақыттар аралығында тоғыз рет Италияның чемпионы атанды. 2008, 2009, 2010 жылдары "Италия А сериясының ең үздік қорғаушысы" номинациясын жеңіп алды.

Ұлттық құрама

Ұлттық құрама сапында алғаш рет 2004 жылы Финляндияға қарсы матчта алаңға шықты. Ондаған жылдар бойы Италия жолдама алған ірі жарыстардың көпшілігіне қатысып, 2012 жылы құрамамен бірге Еуропаның күміс жүлдегері болды.

2017 жылы қараша айында Италия құрамасы Швециядан екі ойын қорытындысы бойынша ұтылып қалды да, апениндіктер 2018 жылғы әлем чемпионатына жолдама ала алмады. Осы ойыннан соң Кьеллини ұлттық құрамамен қоштасқанымен, кейін қайта оралып, 2021 жылғы Еуропа чемпионатына қатысты.

Қатысқан турнирлері

• Жазғы Олимпиада ойындары 2004

• Футболдан Еуропа чемпионаты 2008
• Футболдан әлем чемпионаты 2010
• Футболдан Еуропа чемпионаты 2012
• Конфедерациялар кубогы 2013
• Футболдан әлем чемпионаты 2014
• Футболдан Еуропа чемпионаты 2016
• Футболдан Еуропа чемпионаты 2021

Жеке өмірі

2014 жылы құрбысы Каролине Бонисталлиге үйленді. Бір жылдан соң қыздары Нина дүниеге келді.

Кьеллини 2010 жылы Турин Университетіндегі экономика және коммерция бөлімін бітірді. Ол "Ювентус футбол клубының халықаралық контекстегі бизнес-моделі" деген тақырыпта диссертация да қорғаған.

Жетістіктері

«Ювентус»

• Б сериясының жеңімпазы (1): 2006/07
• Италия чемпионы (6): 2011/12, 2012/13, 2013/14, 2014/15, 2015/16, 2016/17, 2017/18, 2018/19, 2019/20
• Италия кубогы (3): 2014/15, 2015/16, 2016/17, 2018
• Италия суперкубогы (3): 2012, 2013, 2015
• Чемпиондар Лигасының финалисі (2): 2014/2015, 2016/2017

 Италия құрамасы

• 19 жасқа дейінгілер арасындағы Еуропа чемпионы: 2003
• Олимпиада ойындарының күміс жүлдегері: 2004
• Еуропаның күміс жүлдегері: 2012
• Конфедерациялар кубогының қола: 2013
• Еуропа чемпионы: 2021